ООУ Лазо Трповски

Во рамките на наставата по македонски јазик, учениците од 8-а и 8-б одделение ја обработуваа лектирата „Дневникот на Ана Франк“, дело кое на емотивен начин ја прикажува судбината на еврејскиот народ за време на Втората светска војна. Поттикнати од содржината и пораките на делото, а со цел да го продлабочат своето знаење, учениците реализираа посета на Меморијалниот центар на холокаустот на Евреите од Македонија.

Заедно со наставничката по македонски јазик Елена Тодоровска и наставничките по англиски јазик Луција Зубац и Тамара Алаџајкова, тие имаа можност одблиску да се запознаат со историските факти, експонатите и сведоштвата поврзани со холокаустот. За време на посетата, учениците се запознаа со настаните од тој период при што со интерес следеа и поставуваа прашања.

Исклучителното искуство беше спој на учење, размислување и развивање на човечка емпатија, потсетувајќи нè колку е важно да се негуваат толеранцијата, почитта кон различностите и разбирањето на секоја човечка приказна.