ООУ Лазо Трповски

По повод одбележувањето на Денот за подигање на свесноста за аутизмот, во нашето училиште беа реализирани низа работилници организирани од страна на образовните асистенти и дефектологот. Преку креативни активности, разговори и заедничка работа, учениците имаа можност да научат повеќе за аутизмот, но и да ја почувствуваат важноста на прифаќањето и меѓусебната поддршка.

Целта на овие активности беше да се испрати јасна порака – дека иако сме различни, сите сме вредни, способни и заслужуваме да бидеме прифатени. Различноста не нè разделува, туку нè збогатува.

Учениците покажаа интерес, емпатија и желба за дружење, со што уште еднаш се потврди дека децата најлесно учат да сакаат и да прифаќаат кога им се даде вистински пример.

Заедно учиме дека треба да си помагаме, да се почитуваме и да градиме средина во која секое дете се чувствува прифатено и среќно.

Не сме различни – заедно сме посилни.